همس بنات
اهلا اهلا يا (همسه)نورتى منتدانا الغالى
يالا اشتركى عشان تستفادى ونستفاد من مواضيعك
تم انشاء المنتدى يوم 592015

قصتـى الثالثه(بدايه وعقاب)قصه قصيره جداا!بقلمى منى

اذهب الى الأسفل

تحليل قصتـى الثالثه(بدايه وعقاب)قصه قصيره جداا!بقلمى منى

مُساهمة من طرف ادمن في 2015-09-06, 2:27 pm

المقدمه
كانت أسره صغيره ولا يوم قدر يفرق بينهم حد ..
لحد اليوم الى دخلت هى حياتهم ..
كان الاب مسافر فـ عمل..شافها وشافته..عجبها وعجبته..قالوا الجواز ستره ولا فيه احلى من كدا! ..
كتبوا الكتاب وعلوا الجواب..ولسا هو مخدوع بحبها ..وجابها تعيش مع أسرته ..عاشت معاهم بوشين ..
قدامه الملاك برقته..ومن وراه..من كاس العذاب شربتهم..ولاده ومراته ..بنفسها ..
لحد اليوم الى زهق..من الشكاوى والافترى..خدها ومشي وسابهم وراه لوحدهم..وهو لسا بتخدعه..
عدت الايام والاخبار اتقطعت عنهم ..
ماتت الام ومرات الاب شافت شغلها..الاب كان تعبان ومش حملها..وبعد فتره قريبه..مات الاب وساب التركه ..
عشان يتخانقوا عليها كلهم..مرات الاب سافرت بعد ما اخدت حقها..وسابت ولادها وراها وحوش كاسره..
استحملوا الاهانات واكتر من كدا!..ضحكوا عليهم واخدو حقهم..غدر وخيانه وعقاب وناس كتير بتتالم..
وناس م القسوه بتتعلم..وناس مهما يحصل مستحيل تتعلم ..
عدت الايام والظالم وقف قدام المظلوم..وهو راسه منكوسه ..
وف النهايه..كان فى بدايه جديده لناس ..وعقاب ل ناس ظالمت وأفترت ..
*_هو سؤال يا قارئين قصتى:أنت مين فيهم .. الظالم ولا المظلوم .._*
راجع حياتك وشوف ..
ويا بخت من بات مظلوم ولا بات ظالـــم ............
...........................
يارب البدايه تكون عجبتكوا ..
avatar
ادمن
Admin

عدد المساهمات : 8
تاريخ التسجيل : 05/09/2015
العمر : 26
الموقع : مصر

معاينة صفحة البيانات الشخصي للعضو http://hamsss.rigala.net

الرجوع الى أعلى الصفحة اذهب الى الأسفل

تحليل رد: قصتـى الثالثه(بدايه وعقاب)قصه قصيره جداا!بقلمى منى

مُساهمة من طرف ادمن في 2015-09-06, 2:29 pm

اسماء الابطال:-
مياده
أسر
الاب حسين
ولاده من مراته الثانيه (ليلي):-
هيثم
امير
يمنى
وساره صديقة مياده
أيمن خطيب مياده البطله(دكتور نفسي)
أبراهيم المحامى
عزت:مريض نفسي
..........................................
الحلقه الاولى

(ايه معقول يا أسر الى بتقوله؟!)
كانت تلك الجمله على لسان مياده فأومأ أسر برأسه وهو يقول بحزن:ايوه يا مياده معقول ومعقول أوى
هو انتى مش عارفاهم ولا ايه؟!
سقطت مياده على المقعد خلفها فى ذهول وهى تردد:لا لا مش ممكن,مش ممكن يا أسر
_كل حاجه راحت ي مياده,كل حاجه البيت والشركه والمصنع وحتى مصنع العربيات
_هنعمل ايه؟!
قال بحماس مفتعل:هنرفع قضيه طبعا,المفترض ان التركه تتقسم بالعدل أزاى هما ياخدوا كل حاجه كدا بالظلم والكذب وكمان انا مش مقتنع بالسبب الى قالوه علينا عشان يعرفوا يخلونا مناخدش حاجه
مياده بحده:ايوه ي اسر لازم نرجع حقنا,لازم نرجعه حتى لو ...
_لو ايه ي مياده؟لو ايه!!
اكملت وفى عينيها يتالق بريق مخيف:هنرجعه ي اسر حتى لو بالباطل وبطرق غير مشروعه
زمجر اسر:بس احنا كدا هنكون بنعمل زيهم
خبطت مياده سطع المكتب بغضب قائله:والى هما عملوه مش ظلم وكذب,رد عليا الى عملوه دا عدل,أصلا الورث دا ورث أبونا لوحدنا,هما وامهم ملهمش حاجه امهم الى ضحكت على بابا واخدته من ماما وموتتها بحسرتهاوخدته مننا ودلوقتى خدوا ورثنا كمان
وعايزنى افضل ساكته لا ي اسر لا
احنا لازم نرجع حقنا,اسر انت معايا ولا لا؟
تردد لحظه ثم حسم امرها وقال بعدها بحماس:معاكى ي مى معاكى!
جلست مياده على المقعد ثانيه وهى تقول:كدا يبقى نكلم المحامى فوراا
تمتم اسر:ألحقيه قبل ما يشتروه أخواتنا بالباطل هو كمان
قالت بحنق ومقت شديد:أوعى أسمعك بتقول اخواتنا دى تانى !انت فاهم
اوما براسه بايجاب
....................................
اسر اكبر من اخته مياده لكن دايماا مياده بافكارها وحسن ادارتها للامور تؤهل دايماا ان تكون هى صاحبة الكلمه الاولى..
واسر يطيعها ويحبها كثيرا خصوصاا بعد ان تركهم والدهم صغار وبعد ان ماتت والدتهم الطيبه من القهر ومات احساسهم بالابوه وقد
قاطعوه لانهم شعروا انه سبب موت والدتهم
................................
هيثم بفرحه وزهو:ها ي شباب افكاري عجبتكوا؟
يمنى بغضب:بس كدا حرام ي هيثم؟!
اطلق هيثم ضحكه طويله ممطوطه ساخره وقال:هو ايه الى حرام ي يمنتى ي حببتى؟
قالت بحده:الى انتوا بتعملوه ف اخواتنا دا طبعااو..!!
قاطعها امير بغضب:احنا مش متفقين انهم مش اخواتنا ي يمنى
التفتت يمنى اليه قائله:هو انت مراعى اى مشاعر انت واخوك
كتم هيثم ضحكاته الساخره وقال:خلاص خلاص ي شباب ها هنعمل ايه بالفلوس دى كلها
امير بحماس مفاجيء:احنا هنفجر الدنياا ودى اقل حاجه
يمنى بسخريه:طبعا هتفجروها مش نصابيين
شعر امير بالحنق والغضب اتجاهها فالتفت اليها ف غضب وهو ينوى ان يقفها عند حدها كما كان يتصور و..
هيثم عندما لاحظ ذلك:خلاص بقى قولنا ثم رفع شنطه كبيره سوداء وقدمها ل امير قائلا:اتفضل ي ميرو دا نصيبك
وقدم شنطه اخرى لكن اصغر حجماا بقليل ل يمنى قائلا بابتسامه:دا نصيبك ي قمر
وقال لهما:لسا بكره لما نبيع المصنع والشركه والفيلا ومصنع العربيات ولسا...
قاطعته يمنى وهى تدفع الشنطه الخاصه بها اليه وتذهب فى حنق
امير بذهول:البنت دى اكيد مجنونه,حد يرفض النعمه
هيثم بابتسامه:استنى عليها شويه وهى الى هتترجاك تديها حقها
وختم كلامه بضحكه ساخره شاركه فيها امير هذه المره
..................................
فهمتى ي ساره هتعملى ايه؟
اومات ساره براسها فى حماس وهى تقول:اكيد اكيد ي روحى,ان شاء الله ربنا هيرجعلكوا حقكوا
مياده بثقه:ان شاء الله انا واثقه ف رحمة ربنا اوى
متعرفيش ي ساره من يوم مدخلوا الناس دول حياتنا اتقلبت ازاى,بابا كان بينه وبين ماما حلافات وواضح ان الست ليلي عرفت بالموضوع واستغلته فبقت تنط لبابا فى كل مكان وتشاغله,لحد م خلته يتجوزها برا مصر,وجبها البيت عندنا ولما ماما مقدرتش تعيش معاها من عمايلها وافعالها معانا القذره,بابا خدها وسكنها بعيد
طبعا هى كان نفسها احنا الى نمشي ,تعرفى دى كانت بتشتمنا وتقول كلام وحش طول الوقت عن بابا فى غيابه
وبتضربنا فى غياب ماما وبابا
وبعد كل دا لما يجى بابا من الشغل تعيط وتبدء دموع التماسيح وتشتكى مننا
وهو كان بيصدقها وبيكدبنا احنا.وبعدين لما راحوا بيتهم الجديد كملت الخطه,بقت تتبلى على ماما وتقول انها بتبعتلها رسايل تهديد وناس تهددها انها تسيب بابا ,بس الايام فاتت والامور من اسوء لاسوء لحد م ماما ماتت ولحسن الحظ ماما كتبتلنا الشقه قبل م تموت
وبعد م ماتت ماما اعتبرنا ان بابا سبب موتها ومراته سبب بعده عنا,بس لما هو كمان مات ومراته سافرت برا مصر عشان طبعاا تدور على صيد جديد
ولادها الاشرار طبعاا كملوا خطتها ونصبوا علينا وطلعوا ورق مزور واحنا مسافرين اننا لا نصلح بادارة اى شيء وبقوا هما الواصيين علينا
لان احنا متخلفين عقلياا,مش عارفه ازاى عموا الشهادات دى ,دى دائره معقده اوى,المهم ان احنا بلغنا المحامى بتاع ماما وهنرجع حقنا يعنى لازم نرجعه
طبعا قبل م يبيعوا الممتلكات ويضيع تعب بابا وماما 30 سنه و....
ساره بضحر:حببتى ي مى انا عارفه كل الكلام دا دى المره المليون الى تحكيهالى انهارده بس
مياده باسف:سوري ي ساره بس انتى عارفه انى مليش غيرك احكيله الى جوايا
_ان شاء الله ربنا هيوفقك ي حببتى فى القضيه
_ان شاء االله
...........................
ليلي:ايوه ي هيثم انا فرحت اوى لما سمعت الى عملتوه ف ولاد جوزى
هيثم بفخر:طبعا ي ماما ابن الوز عوام!باضحكباضحك
اطلقت ليلي ضحكه مرحه وهى تقول فى حماسه:نصيبكوا قسمتوه؟
_طبعاا وقريب هنبيع الممتلكات ونقسم حقهم علينا بردو!
ليلي باهتمام:قولى ي هيثم انتوا بجد خدتوا نصيب ولاد ابوكوا وهما معملوش حاجه؟!!
قال مزهواا:طبعا وقسمنا كمان وهما مقدروش يعملوا حاجه اصلا الخطه كانت محكمه
بقلق:طب هما مش ممكن يثبتوا ان الدكتور والشهادات مزوره
_لا اطمنى ي ماما قولتلك ابن الوز عوام
_ماشي ي هيثم سلملى على اخواتك
_حاضر مش جايه مصر قريب
_ان شاء الله ي حبيبي
لم يرد لانه شعر بعدم ثقه فى كلامها فكثيرا ما تقول تلك الكلمه!
...............................
انتى بتقولى ايه ي مى؟
مياده بهدوء:زى ما سمعت ي ايمن انا عايزه اخد حقي بالزوق بالعافيه بالحق ب الباطل
المهم اخده وبسرعه
ايمن:بس ي مياده اخواتك قفلوا كل السكك قدامنا
بضجر:انت عارف زيي اننا مظلومين واحنا مكناش بنتعالج برا صح ولا ايه؟!احنا كنا هناك بناءاا على دعوتك مش محتجزين ك مرضي
_خلاص خلاص استنى بقى وبطلى تتكلمى بسرعه كدا وتعالى نرتب الاحداث صح!
نظرت مياده لخطيبها بحنق قائله:اتفضل رتب
ايمن بهدوء:اخواتك كانوا ...
قاطعته فى غضب عصبي:بس الاول متقولش اخواتك دى,انا ليا اخ واحد اسمه اسر فاهم؟
اوما براسه وقال:هنسميهم المنافسين ايه رايك؟
_انت هتعمل عليا دكتور نفسي خلص ي ايمن!
_حاضر,المتنافسين دول كانوا رافعين عليكوا قضيه عشان ياخدو حقهم زيكوا وانتوا كنتوا مرتبين نفسكوا تلبوا دعوتى فى المستشفى بتاعتى وبعدين ترجعوا على معاد الجلسه وانا اكون معاكوا طبعاا
طبعاا انتوا جيتوا المستشفى قبلها كذا مره وكمان شفتوا المريض النفسي الى كان جه المستشفى قبل موضوع القضيه دا بكام يوم طبعا انتى فاكره لما شفتيه انتى بذات صعب عليكى حالته اوى فاكره بعد ما سمعتى قصته قولتى ايه؟
قالت بحماس:قولت انه فعلا مش كل الى ف المستشفى مجانين وانى كنت واخده فكره غلط عن المرضي النفسيين وانهم بيوصلوا للحاله دى لان مشاكل الحياه بتكون اكبر منهم وقدرة احتمالهم بتتهز فبيختاروا اسرع الطرق واسهلها ويبطلوا يكلموا الناس ويعيشوا فى حياه لوحدهم خاصه بيهم بعيد عن المشاكل
_كويس اوى ,وف يوم الجلسه كان المفترض انى خلصت شغلى هناك وبستعد عشان اسافر معاكوا
طبعا انتى فاكره الى حصل
_اه المريض جاتله الحاله و..وانت اتصلت بينا وطلبت منسافرش وان انا اروحلك المستشفى عشان المريض دا لما بيشفنى حالته النفسيه لسبب منعرفوش بيهدى لما يشوفنى و....
_وللاسف فى المره بذات المريض مهديش وساعتها اتوجهه تركزنا ليه هو بس ونسينا فى لخمتنا معاد الطائره والجلسه
_وطبعاا كانوا هما كسبوا القضيه وخدوا نصيبكوا
بس الى مش فاهمه ازاى هما قدروا يتوقعوا انكوا مش هتكونوا ف الجلسه وطلعوا الشهادات المزوره وقدموها
اكملت هى للمره الالف وقد بدءت ترتب ما فعلوه اخوتها:وكمان ازاى عرفوا اننا ف الوقت داموجودين ف المستشفى بتاعتك ..دا بذات الى كان هيجننى,انا واسر كنا بنزورك دايماا وبذات فى اخر فتره
ايمن قولى الحق الى بتفكر فيه هو نفسه الى بفكر فيه؟
ايمن باسف:هى فعلا فكره مجنونه ولو طلعت صح هيبقى انا دكتور اونطاا ولاول مره افشل فى تشخيص مريض
_ليه بتقول كل دا؟!
_هقولك الى ف دماغى ي مى
وبدء يحكى واندهشت مياده برغم ترتيبها للاحداث فى عقلها الا ان الحقيقه بدت شيء مفزع
........................
(بتقول ايه ي هيثم عملوها!)
زفر هيثم بضيق وهو يقول:ايوه ي امير
يمنى:هو ايه الى عملوه ي هيثم؟
اجابها امير:رفعوا قضيه علينا عشان طبعا يثبتوا اننا قدمنا اوراق مزوره
يمنى بشماته:تستاهلوا انا حذرتكوا م الاول
الحمدلله لما حسيت انكوا هتبوظوا الدنيا بعدت عنكوا خالص
هيثم:يمنى بطلى اسلوبك دا ,لو سمحتى الموضوع مش مستحمل شماتك فينا,احنا اخوات يعنى مع بعض ع الحلوه والمره!
يمنى:لا انا مش معاكوا!واندفعت خارجه من المكان فى غضب..
امير بقلق:وبعدين فى البنت دى!دى ممكن تبوظلنا الدنيا بقلبها الرهيف دا!
هيثم بثقه عجيبه:متقلقش انت ,وقولى هنعمل ايه ف العيال دول
امير بنفس القلق:قولتلك م الاول نديهم نصيبهم وناخد نصيبنا وبلاش نصب وتزوير
هيثم بحده:انت كمان,طب وهما هه,مش كانوا عايزين ياخدوا حقنا بردو الى احنا عملناه مكنش اكتر من اننا سبقناهم وبس
سيبك من الكلام الفاضى دا وتعالى نتكلم جد واسمع الى هقوله كويس
واتسعت عينا امير فى شده مما يسمعه
ولكن كانت هناك عيناا اخري تراقبهما كعينا الصقر وان انتوت تلقينهم درساا قاسياا
فمن ي ترى صاحب تلك العين
وماذا سيفعل اسر ومى فى مواجهة هؤلاء الاشرار الذين يسمون اخوتهم
avatar
ادمن
Admin

عدد المساهمات : 8
تاريخ التسجيل : 05/09/2015
العمر : 26
الموقع : مصر

معاينة صفحة البيانات الشخصي للعضو http://hamsss.rigala.net

الرجوع الى أعلى الصفحة اذهب الى الأسفل

تحليل رد: قصتـى الثالثه(بدايه وعقاب)قصه قصيره جداا!بقلمى منى

مُساهمة من طرف ادمن في 2015-09-06, 2:31 pm

الحلقه التانيه والاخيره
ايمن:استاذ ابراهيم بتمنى حضرتك تساعدنا بجد ونكسب القضيه وحق خطيبتى مياده واسر يرجعلهم بسرعه
ابراهيم بقلق:اطمن ي دكتور ايمن باذن الله هعمل الى عليا وربنا معانا كلنا
وبعد دقائق تركهم وذهب
ايمن جابلهم محامى لان محامى مامتهم اتخلى عنهم وشهد ضدهم
مياده بقلق:قلبى مش مرتاح ي ايمن
ايمن بثقه:اطمنى المحامى دا كفء هو مش مشهور اوى بس يشهد باخلاقه ونزاهته
اسر بضيق :مهو عدم شهرته دى الى مخليانا قلقانين
مياده:بس انا واثقه فى كلام ايمن وعارفه انه طالما قال ان المحامى نزيه يبقى نزيه وبعدين الحق معانا احنا ولازم احنا الى نكسب
ايمن بحماس شديد:فعلاا!!
................................
فى يوم الجلسه...
ابراهيم:ها ي ساده جاهزين
اوماوا برؤسهم وقالت مياده بتوتر:المهم انت ي استاذ جاهز راجعت القضيه كويس الجلسه فاضل عليها حوالى ساعه
_ان شاء الله هتكسبوا القضيه
ايمن :باذن الله
اسر:المشكله اننا مش عندنا غير دليلين بس محتاجين دليل اقوى زى م المحامى م بيقول
الشهادات الى بتثبت ان احنا عاقلين 100 ف 100 وضد الشهادات بتاعتهم
والدليل التانى شهادات الممرضين ف مستشفى ايمن
مياده:فعلا ي اسر مش معانا غير دليلين بس محتاجين دليل اقوى بس هنجيبه منين
(مين قال انكوا معاكوا دليل مش قوى بس عموماا انا معايا الدليل الاقوى!)
التفتوا جميعا الى مصدر الصوت و..
مياده بحده:عايزه ايه ي يمنى امشي من هنا,مش كفايه الى عملتوه فينا
يمنى بهدوء :استنى بس ي مى اسمعينى الاول انا فعلا جايه اساعدكوا ومش جايه اشمت
وقبل ان تعترض مى قال ايمن:استنى ي مى نسمعها ومتضيعيش الوقت قولى ي انسه يمنى
تنحنحت يمنى بتوتر وقالت:هدخل ف الوضوع علطول ,انا من الاول وانا مش مع هيثم وامير ف الى بيعملوه حاولت ابعدهم عن مياده واسر معرفتش
ساعة القضيه الاولى هما وصلهم كلام ان اسر ومى بيدبرولهم اقصد بيدبرولنا احنا التلاته مؤامره ياخدوا بيها كل الورث وانحنا مناخدش حاجه
بس الكلام الى وصل مكنش اكيد فهما عشان يضمنوا لنفسهم انهم يورثوا عملوا الى عملوه وبدل ميبقى شهادات مزوره قصاد مزوره منكوا
اللعبه قلبت جد وقرروا ياخدو كل شيء
بمساعدت دكتور فى مستشفى ايمن قدروا يدخلوا شخص مريض بشهادات مزوره
لانهم عرفوا من الدكتور دا ان اسر ومى بيزوروا ايمن كتير ومى بتصعب عليها الحالات الى ف المستشفى وبتقضى وقت طويل مع الدكتور ايمن وهو بيعالج الحالات
فدخل المريض وفعلا مى عرفت حكايته وصعب عليها زى ما توقعوا و..
ايمن بضيق:المريض دا كان عنده اكتئاب حاد واسمه عزت طبعاا
ذهلت يمنى لانهم يعلمون:انتوا تعرفوا ؟!!
اوما ايمن براسه فى ضيق فقالت تكمل:عموماا انا مش جايه عشان حاجه قديمه انا جايه اقولكوا الى هيثم وامير بيعملوه حالا
مياده بسخريه:وياتري هيعملوا ايه اكتر من كدا؟
_اولا الشهادات الى كانت ضدكوا زميل الدكتور ايمن الى وقعها وهو زمانه جاى يشهد معاكوا ضد اخواتى
ثانياا:المحامى بتاع الشركه محامى مامتكوا قالهم على خطه قذره يكسبوا بيها القضيه
اتفقوا مع ناس بلطجيه يضربوهم وهما خارجين من البيت يعملوا دوشه عشان الشهود وكدا
وبعد ميضربوهم وف وقت الجلسه هيرحوا يقدموا بلاغ عنكوا ف القسم انكوا طبعا الى بعتوا البلطجيه
وكل دا عشان يكسبوا القضيه دى كمان
ابراهيم باهتمام:وهما فين دلوقت
_عند القسم اول متبدء المحكمه المحامى هيرن عليهم هيقدموا اليلاغ
طبعا هما ميعرفوش انى هنا هما فاكرين انى ممتنعه عن الى بيعملوه بس ميعرفوش انى ببلغ عنهم
مياده ببطء:وليه انتى بتساعدينا
_صعبتوا عليا انتوا مظلومين واخواتى انا ياما حذرتهم بس هما مصممين يبقىى لازم يتعاقبوا وانا كمان
وفجائه بكت بحراره
هتف اسر:انا سجلت كل الى قالته يمنى
مياده باعتراض:ليه كدا ي اسر احنا ممك..
قاطعتها يمنى وهى تمسح دموعها:كويس اوى اهو يبقى دليل يعنى لو فكرتوا انى ممكن اخونكوا
بس انا هشهد معاكوا متقلقوش وبكت ثانيه
نظرت مياده ل اسر المبتسم فى فخر بحنق ولوم ولكنه لم يهتم بل اتسعت ابتسامته اكثر واكثر
مياده:خلاص ي يمنى متقلقيش احنا هنحاول مناذيش اخواتك ولا انتى
والتفتت ل اسر قائله بحزم:الغى التسجيل ي اسر
والتفتت اليها:احنا مش غدارين ي يمنى
اسر باحتجاج:دا الدليل الوحيد الى..
المحامى بهدوء:التسجيل مش بس الدليل انا عندى دليل قاطع تعالى معايا
واخذ اسر وذهب وهو يقول:هنيجى على وقت المحكمه استنوا انتوا
يمنى بضراعه:سامحينى ي مياده
مياده بحنان:مسمحاكى ي يمنى متقلقيش وربتت على يدها بحنان اكثر وهى تضيف:
الى بيعرف غلطه ويتوب احسن من الى بيستمى برغم انه عارف ان الى بيعمله غلط
وكمان انتى فى الاول والاخر اختى
احتضنتها مياده وهى تقول باكيه نادمه:شكرا لانك سامحتينى ي مى انتى احلى اخت
مياده بحنو عجيب:وانتى كمان
تمنى بلهفه وهى تبتعد عنها:انا ممكن اشهد ضد اخواتى فعلا متقلقيش
_يمنى انا بفكر متعمليش كدا لانهم مهما كانوا اخواتك و..
_لا هما غلطوا ولازم يتعاقبوا
بس ياتري دليل ايه الى المحامى راح يجيبه
اجابها ايمن:المريض
يمنى ومياده:ايه؟!
ايمن بثقه:راحوا يجيبوا عزت
يمنى بقلق:يارب يوصلوا ف الوقت المناسب
تجهم وجه مى وهى تقول:ليه؟
.......................
يمنى بتوتر:لان عزت ممكن يكون مشي من المستشفى مش عارفه اخواتى اتفقوا معاه على ايه؟
مياده بفزع:يارب يلحقوه ي رب هما لسا اخواتك ميعرفوش اننا عرفنا
ايمن:اهدوا بس وربنا معانا باذن الله
.............................
فى قاعه المحكمه
يمنى:اهدى ي مى زمانهم جايين
هتفت بحده:مش ههدى بطلوا تقولولى الكلمه دى,القاضي هيدخل حالا وهما لسا مجوش
لم تجد يمنى ما تقول ففضلت الصمت
وبدأت القضيه واستعد محامى هيثم وامير بالمرافعه
ولم ياتى بعد ابراهيم او اسر
ومر الوقت بسرعه والقاضي ينادى على المحامى الذى لم ياتى
واستعد القاضى برفض الدعوه من مرافعات المحامى الاخر وتكرار كلمته بانهم ليسوا عقلاء و...
(موجود ي حضرة القاضى .. ابراهيم السيد)
التفتت اليه مياده بلهفه شاركها فيها يمنى وايمن
ابرهيم:ومعايا دليل قاطع ي سياده القاضى
وطوال ساعه كامله
قدم ابراهيم مرافعه جيده مع مجموعة شهود واولهم عزت ولم ياتى ذكر التسجيل قط
ولكن عزت كان وجهه يدمى من كثرة ما تلاقاه من اسر
وانتهت القضيه لصالح مياده واسر بالطبع
وسجن هيثم وامير ويمنى ولكن لان يمنى شهدت ايضاا خفف عنها الحكم وحوكمت لانها تسترت عليهم فقط
.......................
وبعد خروجهم كان فى استقبال يمنى
اسر ومياده وايمن مبتسمين جميعاا
وعاشت يمنى معهم
لكن امير وهيثم سافرا لامهم الشريره التى تزوجت من رجل غنى
ولكن بعد فتره طلقها لانه علم بحقيقتها مصادفه وعلم بما فعلته مع اسر ومياده
وما علمته لابنائها
..........................
وهنا فقط تعلم امير وهيثم وسارا اشخاص اخري
وبدوء حياه جديده نظيفه مع اخوتهم الذين لم يتخلوا عنهم
وصاروا خمس اخوات بدل اثنان وثلاثه اخرون
وتقاسما التركه بالشرع والقانون
وبعد عقاب سارت هناك بدايه جديده
............................
يارب الحلقتين يكونوا عجبوكوا انا كنت ناويه اخليهم ثلاثه بس حصلت ظروف خليتنى انزلهم على اتنين بس
مستنيه رايكوا ي عسلات
avatar
ادمن
Admin

عدد المساهمات : 8
تاريخ التسجيل : 05/09/2015
العمر : 26
الموقع : مصر

معاينة صفحة البيانات الشخصي للعضو http://hamsss.rigala.net

الرجوع الى أعلى الصفحة اذهب الى الأسفل

تحليل رد: قصتـى الثالثه(بدايه وعقاب)قصه قصيره جداا!بقلمى منى

مُساهمة من طرف aboyasser19933 في 2015-09-12, 5:25 pm

رائع ♥

aboyasser19933

عدد المساهمات : 2
تاريخ التسجيل : 12/09/2015
العمر : 24
الموقع : http://hamsss.rigala.net/

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى